Главная »
2015 » Сентябрь » 21 » Дебаты на тему «Двуязычие - выбор белорусского народа»
16:09 Дебаты на тему «Двуязычие - выбор белорусского народа» |
|
У Барсукоўскім клубе-музеі 10 верасня прайшлі дэбаты, якія закранулі важную і актуальную праблему сучаснасці: “Двухмоўе – выбар беларускага народа”. Арганізатарам сустрэчы быў райкам грамадскай арганізацыі “Беларускі рэспубліканскі саюз моладзі”, які сумесна з аддзелам ідэалагічнай работы, культуры і па справам моладзі закрануў розныя аспекты паднятага пытання.
Гарачая дыскусія, якая пачалася адразу пасля аб’яўлення тэмы, ахапіла пытанне з усіх бакоў: пад увагу папала не толькі паўсядзённая мова вяскоўцаў, а і слэнгавая мова моладзі, мова тэлебачання і радыё. З павагай і добрай крытыкай удзельнікі дэбатаў выказваліся наконт беларускай літаратурнай мовы, прыводзілі прыклады з вядомых твораў беларускіх аўтараў, узгадвалі цікавыя і вясёлыя моманты з ўласнага школьнага жыцця.
Актыўнасць удзельнікаў паказала, што дыскусіі такога зместу і такой формы правядзення павінны праводзіцца часцей. Таму што ва ўменні выслухаць пазіцыю субяседніка, адрозную ад усласнай, тактычна і аргументавана выказаць сваю думку захоўваецца ісціна, пазнанне якой, часам, справа даволі складаная.
Фінал дэбатаў быў лагічным і зразумелым: у нашай краіне, дзве мовы з’яўляюцца дзяржаўнымі, але ж прыярытэт лепш аддаваць матчынай мове, той, што перадалі нам у спадчыну беларускія пісьменнікі класікі.
Пасля заканчэння дэбатаў гасцей чакаў салодкі сюрпрыз: арганізатары частавалі ўдзельнікаў мерапрыемства шакаладным тортам і гарбатай.
|
|
Просмотров: 618 |
Добавил: brsmkorma
| Рейтинг: 0.0/0 |
Добавлять комментарии могут только зарегистрированные пользователи.
[
Регистрация |
Вход ]
